Bakı-Şamaxı-Yevlax yolunun 114 ci km-də avtomobilin gölə düşməsi ilə nəticələnən qəza baş verib. ANS PRESS-in bölgə müxbirinin verdiyi xəbərə görə, Şamaxıdan Bakı istiqamətində hərəkətdə olan 1950 ci il təvəllüdlü Süleymanov Gülbaba idarə etdiyi “VAZ 2103” markalı 56 BA 371 dövlət nömrə nişanlı avtomaşınla eyni istiqamətdə hərəkətdə olan 1964 cü il təvəllüdlü Abbasov Rafaelə aid “VAZ 2103” markalı avto maşını arxadan vurub.

Qəza nəticəsində qarşıda olan avtomobil aşaraq yolun kənarında kı su gölməçəsinə düşüb. Hadisə nəticəsində xəsarət alan olmasa da “VAZ 2103” markalı avtomaşına ciddi ziyan dəyib.

İlkin ehtimala görə, qəzanın avtomobillər arasında məsafənin düzgün seçilməməsi səbəbindən baş verdiyi güman olunur.

Baş vermiş Faktla bağlı Baş dövlət yol polisi tərəfindən araşdırma aparılır.