Şəkinin Cumakənd kəndi ərazisində qəza baş verib. ANS PRESS Kanal S-ə istinadən xəbər verir ki, Zaqatala rayon sakini İlkin Əliyevin idarə etdiyi 10-UN-195 dövlət nömrə nişanlı sərnişin mikroavtobusunun aşması nəticəsində sərnişinlərdən bəziləri xəsarət alıb. Hadisə Yevlax-Zaqatala-Gürcüstan magistral yolunun 75-ci km-də baş verib. Yaralılar Şəki Mərkəzi Rayon Xəstəxanasına çatdırılıblar.

İlkin ehtimallara görə, hadisəyə sürücünün ehtiyatsızlığı və bunun da nəticəsində idarəetməni itirməsi səbəb olub.

Faktla bağlı araşdırmalar aparılır. Qəzanın dəqiq səbəbləri aparılacaq araşdırmalardan sonra bəlli olacaq.