Astara rayonu ərazisində əsgər qətlə yetirilib. ANS PRESS-in Milli.Az-a istinadən verdiyi xəbərə görə, Dövlət Sərhəd Xidmətinin hərbi hissəsində xidmət edən 20 yaşlı Pirəddin Həsənov bıçaqla öldürülüb.

Hüquq-mühafizə orqanlarından verilən məlumata görə, Ağdam rayonundan məcburi köçkün olan P.Həsənov Mingəçevir şəhərində məskunlaşıb. Onun meyidi ailəsinə təhvil verilib.

Mərhumun yaxınlarının dediklərinə görə, P.Həsənovun ürək nahiyəsində bir bıçaq yarası olub. Dövlət Sərhəd Xidmətindən isə hadisə ilə bağlı məlumat almaq mümkün olmayıb.