Şəmkir rayonunun Dəllər-Daşbulaq kənd sakini 64 yaşlı Niyaz Namazov atasına məxsus mülk bölgüsü zamanı yaranan mübahisə nəticəsində qardaşı 53 yaşlı Məhəmmədəli Namazovu bıçaqlayıb. Döş qəfəsindən 3 bıçaq zərbəsi alan şəxs Şəmkir Mərkəzi rayon Xəstəxanasına yerləşdirilib.
Rayon polis şöbəsindən “Kəpəz TV”yə verilən məlumata görə, bıçaqlanma hadisəsini törədən Niyaz Namazov polislərin əməliyyat-axtarış tədbirləri nəticəsində saxlanılıb.
İlkin ifadə zamanı Niyaz Namazov qardaşını ona atasına məxsus mülkdən pay vermək istəmədiyi üçün bıçaqladığını etiraf edib. Faktla bağlı araşdırma aparılır.
Ata mülkü qardaşlar arasına qan saldı
Ata mülkü qardaşlar arasına qan saldı. Pay vermediyi üçün qardaşını bıçaqladı.
Şərhlər