Bu gecə Bakının Xətai rayonu ərazisində 30 yaşlı qadın özünü öldürmək istəyib. Rayon Polis İdarəsinin 36-cı polis bölməsindən ANS PRESS-ə verilən əmlumata görə, Zığ yolunda Yeni yaşayış massivində yaşayan Samirə Camalova çoxlu sayda dərman içib.

Qadın huşsuz halda doğmaları tərəfindən yataq otağında tapılıb. Dərhal təcili yardım çağırılıb. Ona ilkin yardım göstərilib və xəstəxanaya yerləşdirilib. Hazırda Samirə Camalovanın həyatı üçün təhlükə yoxdur. Onun nə səbəbdən özünə qəsd etmək istəməsinin səbəbləri araşdırılır.