Bu gün Zaqatalada zəlzələ baş verib. ANS PRESS-in Respublika Seysmoloji Xidmət Mərkəzinin mətbuat xidmətinə istinadən verdiyi məlumata görə, yeraltı təkan saat 12:50-də Zaqataladan 23 km cənub-qərbdə zəlzələ qeydə alınıb.

Zəlzələnin maqnitudası 2,8, dərinliyi 9 km olub.

Zəlzələ episentrdə 3 bala qədər hiss edilib.

Dağıntı və xəsarət alan olmayıb.

Qeyd edək ki, bir necə il öncə Zaqatalada baş verən güclü zəlzələ nəticəsində onlarla ev dağılmışdı.