Qız Qalası al-əlvan rəngə büründü

Ötən gün axşam İçəri şəhərdə Qız Qalasında möhtəşəm şou təşkil edilib. Belə ki, Qız Qalasının üzərində dünyanın müxtəlif yerindən Azərbaycana gələn rəssamların əl işləri vizual olaraq canlandırılıb. ANS PRESS-in müxbirinin məlumatına görə, Qız Qalasının üzərindəki rəngarəng görüntüləri İtaliyaya məxsus şirkət reallaşdırıb.

Qeyd edək ki, Qız Qalasının üzərində əks olunan rəsmlər qalanın yanında olan kiçik maketlərdəki rəsmlərdir. İtaliya şirkəti həmin rəsmləri müasir avadanlığın köməyi sayəsində Qız Qalasının üzərində canlandırır. Rəsmlər arasında milli ornametlərdən tutmuş xarici ölkərin bayraqlarına qədər görüntülər yer alıb.