Ermənistan silahlı qüvvələrinin bölmələri mayın 11-də atəşkəsi ozub. Erməni ordusu saat 14.15-dən 14.20-dək və 17.50-dən 18.10-dək Ermənistanın Berd rayonunun ərazisindəki adsız yüksəkliklərdə yerləşən mövqelərdən Tovuz rayonunun Qaralar kəndində, saat 10.40-dan 10.55-dək Gədəbəy rayonunun ərazisindəki adsız yüksəkliklərdə, saat 23.00-dan 23.20-dək Tərtər rayonunun Seysulan kəndi, mayın 12-də saat 06.05-dən 06.15-dək Goranboy rayonunun Tapqaraqoyunlu kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.

Müdafiə Nazirliyinin mətbuta xidmətindən verilən məlumata görə, düşmən cavab atəşi ilə susdurulub.