Zaqatalada bu gün saat 20:15 radələrində ağır yol nəqliyyat hadisəsi baş verib, nəticədə 2 nəfər ölüb, 2 nəfər ağır xəsarət alıb.

ANS PRESS-in məlumatına görə, hadisə ötən gün axşam 20:00 radələrində Zaqatala-Danaçı yolunun 20.5-ci kilometrliyində baş verib. Zaqatala rayonu Aşağı Çardaqlar kənd sakini 23 yaşlı Kaxayev Elçin Şamil oğlu idarə etdiyi "Nissan Teana" markalı avtomobillə Aşağı Çardaqlar kəndi yolu istiqamətində hərəkət edərkən ehtiyatsızlıqdan avtomobili yolun kənarındakı ağaca çırpıb.

Nəticədə, sürücü Kaxayev Elçin Şamil oğlu və sərnişin Zaqatala rayonu Dardoqqaz kənd sakini 29 yaşlı Musayev Sərxan Bədrəddin oğlu aldığı xəsarətdən hadisə yerindəcə dünyasını dəyişib Avtomobildə olan digər sərnişinlər Açağı Çardaqlar kənd sakini 21 yaşlı Məcidov Elvin Ramazan oğlu və Yuxarı Tala kənd sakini 20 yaşlı Əliyev Şaban Cəmaləddin oğlu müxtəlif dərəcəli bədən xəsarətləri ilə Zaqatala rayon Mərkəzi Xəstəxanasına yerləşdiriliblər. Faktla bağlı Zaqatala Rayon Polis Şöbəsində araşdırma aparılır.