Yevlax rayonunda ölümlə nəticələnən avtomobil qəzası baş verib. Məlumata görə hadisə bu gün axşam saatlarında Aran-Mingəçevir yolunun 2-ci kilometrliyində qeydə alınıb. Məlumata görə Tərtər rayon sakini 31 yaşlı Əliyev Elməddin Qədir oğlunun idarə etdiyi 30-BC-920 dövlət nömrə nişanlı “VAZ 2107” markalı minik maşını qarşı tərəfdən gələn Beyləqan sakini 22 yaşlı Əliyev Etibar Şükür oğlunun idarə etdiyi 10-KZ-642 dövlət nömrə nişanlı “Mersedes” markalı avtomaşınla toqquşub.

Hadisə nəticəsində “VAZ 2107”nin sürücüsü Elməddin Əliyev və sərnişin 62 yaşlı Əliyeva Qənirə Bəylər qızı hadisə yerində dünyasını dəyişib. Müxtəlif dərəcəli bədən xəsarətləri alan 42 yaşlı Natiq Quliyev, 34 yaşlı Elnarə Quliyeva, 80 yaşlı Həqiqət Quliyeva, 10 yaşlı Nahid Quluzadə və 12 yaşlı Namiq Quluzadə Mingəçevir Mərkəzi şəhər Xəstəxanasına yerləşdirilib. Xəsarət alanların hamısı bir ailə üzvləridir.

Faktla bağlı Yevlax rayon Polis Şöbəsi tərəfindən cinayət işi açılıb, araşdırma aparılır.