Bu gecə saat 00:10 radələrində Qusar rayonunda Türkiyə vətəndaşı ölümlə nəticələnən yol qəzası törədib. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, Aladaş kəndi ərazisində Türkiyə vətəndaşı Gökalp Ergün Cumali idarə etdiyi “VAZ-2121” markalı avtomaşınla yolu keçən Akif Qafarovu və Minbala Qafarovu vurub.

Qəza nəticəsində M.Qafarov hadisə yerində ölüb, xəsarət alan A.Qafarov isə xəstəxanaya yerləşdirilib.
Qusar RPŞ tərəfindən araşdırma aparılır.