Onun sözlərinə görə, martın 22-də axşam saatlarında şəhərin “Sultan” şadlıq sarayında keçən toy mərasimində sərxoş vəziyyətdə olan dayıoğlu bibisi oğlunu bıçaqlayıb.

Yaranmış mübahisənin davaya çevrilməsi nəticəsində rayonun Əşlə kənd sakini, 1973-cü il təvəllüdlü Asif Muxtar oğlu Nəzərov bibisi oğlu və həmkəndlisi, 1979-cu il təvəllüdlü Əfqan Qurbanəli oğlu Eyvazova bıçaqla müxtəlif bədən xəsarətləri yetirib. Çoxlu qan itirmiş vəziyyətdə Lənkəran Mərkəzi Rayon Xəstəxanasının reanimasiya şöbəsinə yerləşdirilən Ə. Eyvazovun vəziyyətinin ağır olduğu bildirilir. A. Nəzərov isə həbs olunub.

Faktla bağlı Lənkəran ŞPŞ-də cinayət işi açılıb, araşdırma aparılır.