Tovuz rayonunun Əlibəyli kənd sakini cəbhənin təmas xəttində düşmən snayperi tərəfindən vurulub.

ANS PRESS-in bölgə müxbirinin verdiyi xəbərə görə, ağır yara alan 30 yaşlı Musayev Adil Vəkil oğlu, Tovuz rayon xəstəxanasına çatdırılıb. Aldığımız son məlumata görə, ilkin müayinədən sonra yaralı xəstəxanadan götürülərək, Şəmkir istiqamətinə aparılıb. Onun Şəmkir hospitalına yerləşdirildiyi bildirilir.

Əlibəyli kənd sakinlərinin ANS PRESS-ə verdikləri məlumata görə, hadisə BMT-nin nümayəndə heyətinin cəbhə xəttində monitorinq apardığı zaman baş verib.