Bu gecə Sumqayıtda ölümlə nəticələnən yol qəzası baş verib. ANS PRESS-in Fövqəladə Hallar Nazirliyinin saytına istinadən verdiyi məlumata görə, “Slavuta” markalı minik avtomobili və “İsuzu” markalı sərnişin avtobusu toqquşub. Nəticədə “Slavuta” markalı minik avtomobili deformasiyaya uğrayıb, avtomobilin sürücüsü 1979-cu il təvəllüdlü Əhmədov Zaur Aqil oğlu və sərnişin Hüseynov Rasim Möhsün oğlu hadisə yerində ölüb.

Xilasedicilər deformasiyaya uğramış avtomobildə sıxılmış vəziyyətdə qalmış cəsədləri çıxarıblar.