Abşeron rayonunun Sulutəpə qəsəbəsində 17 yaşlı məktəbli itkin düşüb. Bu barədə Abşeron rayon Polis İdarəsinin 40-cı polis bölməsindən ANS PRESS-ə məlumat veriblər.

Belə ki, 03.01.1996-cı il təvəllüdlü Anar Qurban oğlu Həsənov fevralın 16-da, saat 11:00 radələrində evdən müəllim yanına hazırlıq adı ilə çıxıb və bir daha geri qayıtmayıb. Bu barədə oğlanın atası Qurban Həsənov fevralın 17-də 40-cı polis bölməsinə əraizə ilə müraciət edib. Dərhal axtarış-əməliyyat tədbirlərinə başlanıb.

Məsələ ilə bağlı Anar Həsənovun atası Qurban Həsənov ANS PRESS-ə açıqlamasında bildirib ki, oğlu evdən çıxarkən əynində qara cins şalvar, qara gödəkcə, qara ayaqqabı, qara papaq olub. Evdən çıxarkən cibində 110 manat pul olub. Həmin pulu müəllimə vermək üçün götürübmüş. Ailə üzvləri heç bir kəslə problem yaşamadıqlarını, düşmənlərinin olmadığını bildirir.

Qeyd edək ki, oğlan barədə məlumatı olanlar, yaxud, həmin oğlanı görənlər, 40-cı polis bölməsinə 012 346 02 02 şəhər telefonlarına və aşağıdakı əlaqə nömrələrinə zəng etmələri xahiş olunur.

Telefon:
0705384837
0503232967
0554937276
0705384837
0505333114
0517766248
0705074504