Ötən gün saat 22:00 radələrində Bakı-Şamaxı-Yevlax yolunun 135-ci kilometrliyində Şamaxı rayonu ərazisində ağır avtomobil qəzası baş verib. Baş Dövlət Yol Polisi İdarəsinin mətbuat xidmətindən ANS PRESS-ə verilən məlumata görə, 1978-ci il təvəllüdlü Elşən Yaqubovun idarə etdiyi “VAZ 2107” markalı avtomobil ilə 1949-cu il təvəllüdlü Allahverdi Əliyevin idarə etdiyi “Ford Tranzit” markalı sərnişin mikroavtobusu toqquşub.

Qəza nəticəsində “VAZ 2107”-nin sürücüsü və onun sərnişini 1990-cı il təvəllüdlü Elvin Yaqubov xəsarət alıb. Yaralılar xəstəxanaya yerləşdiriliblər.

Faktla bağlı araşdırma aparılır.