Bakı-Qazax yolunun 340-cı kilometrliyində, Şəmkir rayonu ərazisində "VAZ" və "KİA" markalı minik avtomobilləri toqquşub. ANS PRESS FHN-nin rəsmi saytına istinadən xəbər verir ki, qəza nəticəsində “Jiquli”də olan, şəxsiyyəti müəyyən edilməmiş 2 nəfər hadisə yerində keçinib.

Fövqəladə Hallar Nazirliyinin “112” qaynar telefon xəttinə daxil olmuş məlumata əsasən dərhal hadisə yerinə cəlb olunan Fövqəladə Hallar Nazirliyinin müvafiq xilasetmə qüvvələri təhlükəsizlik qaydalarına riayət edərək xüsusi alət və avadanlıqlar vasitəsilə sıxılmış vəziyyətdə qalmış cəsədləri deformasiyaya uğramış avtomobildən çıxarıb və aidiyyəti üzrə təhvil veriblər.