Şəmkirdə ağır yol qəza hadisəsi baş verib. ANS PRESS-in bölgə müxbirinin verdiyi məlumata görə, hadisə nəticəsində Fövqəladə Hallar Nazirliyinin əməkdaşı dünyasını dəyişib. Hadisə rayonun Yeniabad kəndi ərazisindən keçən Kür qəsəbə yolunda baş verib.
Şəmkir rayon Polis Şöbəsindən verilən məlumata görə, “VAZ 21 015” markalı avtomobil yolun hərəkət hissəsindən çıxaraq aşıb. Hadisə zamanı avtomobilin sürücüsü, FHN-in xüsusi riskli xilasetmə dəstəsinin bölük komandiri Elçin Rzayev dünyasını dəyişib.
FHN-in digər əməkdaşı, gizir Emin İsgəndərov ağır bədən xəsarətləri ilə Şəmkir Mərkəzi rayon Xəstəxanasına yerləşdirilib.

Faktla bağlı Şəmkir rayon Polis Şöbəsində cinayət işi açılıb, araşdırma aparılır. İlkin ehtimala görə, hadisəyə yüksək sürət həddi səbəb olub.