Bakıda “Sədərək” Ticarət Mərkəzinin ərazisində oğurluq hadisəsi baş verib. Bakı şəhər Baş Polis İdarəsindən ANS PRESS-ə verilən məlumata görə, Bakı şəhər sakini Gülnarə Novruzovaya məxsus “Hyundai” markalı avtomobildən şüşəni sındırma yolu ilə içərisində 1900 manat, mobil telefon, fotoaparat, kredit kartı və şəxsi sənədələr olan əl çantası oğurlanıb.

Qaradağ RPİ 10-cu PB əməkdaşlarının keçirdikləri əməliyyat tədbirləri nəticəsində oğurluqda şübhəli bilinən Vüqar Babayev və Elvin Məmmədov yaxalanıblar.