Qusarda ölümlə nəticələnən ağır yol qəzası baş verib. Qusar rayon polis şöbəsinin müstəntiqi Rəfail Tağıyevin ANS PRESS-in bölgə müxbirinə verdiyi məlumata görə, Qusar-Həzrə yolunda baş verən yol qəzasında 2 nəfər ağır yaralanıb, 1 nəfər ölüb.

Belə ki, 1961-ci il təvəllüdlü Bəxtiyar Mehman oğlu Sultanovun idarə etdiyi “Qaz-31029” markalı 10 DU 959 dövlət nömrə nişanlı avtomobil ilə 1981-ci il təvəllüdlü Ruslan Əziz oğlu Xəlilovun idarə etdiyi “VAZ-2107” markalı, 39 BQ 115 dövlət nömrə nişanlı maşını toqquşub. Qəza nəticəsində Bəxtiyar Xəlilov və onun sərnişinləri, 1961-ci il təvəllüdlü Nərminə Qasımova ağır yaralanaraq xəstəxanaya yerləşdiriliblər. Qəza nəticəsində “VAZ-2107” markalı maşında olan 1973-cü il təvəllüdlü Nazxanım Bəkirova ölüb.

Faktla bağlı Cinayət Məcəlləsinin 263.2-ci maddəsilə cinayət işi başlanıb, istintaq gedir.