Qusar-Xudat yolunda 4 nəfərin xəsarət alması ilə nəticələnən yol qəzası baş verib. ANS PRESS-in bölgə müxbirinin verdiyi məlumata görə, qəza yolun 7-ci kilometrliyində, Bədirqala kəndi ərazisində qeydə alınıb.

Belə ki, Xudat istiqamətində hərəkətdə olan 31 yaşlı Seyfəddin Mollayevin idarə etdiyi “QAZel” markalı yük maşını əks istiqamətdə hərəkət edən “VAZ 2106” markalı nəqliyyat vasitəsi ilə toqquşub.

Daha sonra “QAZel” markalı avtomobil piyada, 39 yaşlı Qusar sakini Sevinc Balakişiyevanı vurub. Sonradan idarəetməni itirən “QAZel” markalı yük maşını aşıb.

Qəza nəticəsində “QAZel”in sürücüsü Seyfəddin Mollayev, sərnişinləri Yalçın Məlikov və Vüqar Rəhimxanov və piyada yaralanıb.

Faktla bağlı araşdırma aparılır.