Dünən axşam saatlarında Quba-Xaçmaz yolunun I kilometrində, Quba rayonun Alekseyevka kəndi ərazisində minik maşını ilə “KamAz” markalı yük maşını ilə toqquşub.

Xaçmaz rayon Polis Şöbəsindən ANS PRESS-in bölgə müxbirinə verdiyi məlumata görə, 23 yaşlı Quba şəhər sakini Xəyyam Məmmədovun idarə etdiyi 40 BH 154 dövlət nömrə nişanlı “VAZ-2106” markalı nəqliyyat vasitəsi Xaçmazdan Quba istiqamətdə hərəkətdə olarkən qarşıdan gələn 22 yaşlı Quba şəhər sakini Fuad Abdullayevin idarə etdiyi “KamAz” markalı yük avtomobililə toqquşub.

Qəza zamanı Xəyyam Məmmədov yüngül xəsarət alıb. İlkin ehtimallara görə, qəza “VAZ-2106” markalı avtomobilin sürücüsünün avtomobili sərxoş vəziyyətdə və yüksək sürətlə idarə etməsi səbəbindən baş verib. Faktla bağlı araşdırma aparılır.