Dünən saat 23:00 radələrində Qax rayonunda ağır yol qəzası baş verib. Qax-Qum yolunun 6-cı kilometrliyində baş verən olan zamanı üç nəfər ölüb, üç nəfər isə ağır yaralanıb.
Qax Rayon Prokurorluğundan ANS PRESS-ə verilən məlumata görə, 1992-ci il təvəllüdlü, Şirvan şəhər sakini Nəzərov Akif Zakir oğlu idarə etdiyi “Mercedes-190” markalı, 90 DT 384 dövlət nişan nömrəli avtomobili Süsgən çayı üzərindəki körpüdən aşırıb.

Qəza nəticəsində avtomobildəki digər sərnişinlər - Qax rayonu İlisu kənd sakini, 1985-ci il təvəllüdlü Abbasov Novruz İsa oğlu, Sabirabad rayon sakini, 1979-cu il təvəllüdlü Əkbərov Hikmət Qismət oğlu və 1983-cü il təvəllüdlü, Şirvan şəhər sakini Qasımov Nazim Nizami oğlu hadisə yerində ölüblər.

Avtomobilin sürücüsü və orada olan sərnişinlər - Şirvan şəhər sakini, 1990-cı il təvəllüdlü Zeynalov İlham Allahverdi oğlu və Qax rayonu İlisu kənd sakini, 1985-ci il təvəllüdlü Abbasov Novruz İsa oğlu müxtəlif dərəcəli bədən xəsarətləri alıblar.

Onlar Qax Mərkəzi Rayon Xəstəxanasına yerləşdiriliblər. Hazırda faktla bağlı Qax Rayon Prokurorluğunda cinayət işi açılıb, araşdırma aparılır.