Bakının Xətai rayonu, NZS qəsəbəsi, Mingəçevir küçəsində kirayədə yaşayan Rəşad Həziyev şəxsi mübahisə zəminində Bərdə rayon sakini Aqil Məhərrəmovu bıçaqla qətlə yetirib. Bakı şəhər Baş Polis İdarəsindən ANS PRESS-ə verilən məlumata görə, Xətai rayon Polis İdarəsinin cinayət-axtarış şöbəsi və 37-ci polis bölməsi əməkdaşlarının keçirdikləri əməliyyat tədbirləri nəticəsində qətldə şübhəli bilinən Ağcabədi rayon sakini Rəşad Həziyev tutulub.
Faktla bağlı cinayət işi başlanıb, araşdırma aparılır.