Şəkinin Aşağı Göynük kəndi ərazisində avtomobil qəzası qeydə alınıb. ANS PRESS-in "Kanal S" telekanalına istinadən verdiyi xəbərə görə, hadisə zamanı Naxçıvan MR-nın Şahbuz rayon sakini Seyidli Mirheydər Rəhim oğlu idarə etdiyi 85-CR-351 dövlət nömrə nişanlı VAZ-2107 markalı avtomobillə Qax istiqamətində hərəkətdə olarkən, idarəetməni itirərək yol kənarındakı evlərdən birinin hasarına çırpılıb.

Nəticədə avtomobildə olan 3 sərnişindən biri - Dağıstan Respublikası vətəndaşı Şaxbayadova Pəri Nürəddin qızı müxtəlif dərəcəli bədən xəsarətləri alıb. Sürücü və digər iki sərnişin - Dağıstan Respublikası vətəndaşları olan Şaxbayadov Yusif Muradəliyeviç və Şaxbayadova Zöhrə Nəbiyevna xoşbəxtlikdən heç bir xəsarət almayıb.

Qəzanın ilkin olaraq sürücünün sükan arxasında yatması və ya idarəetməni itirməsi səbəbindən baş verdiyi ehtimal edilir. Faktla Bağlı Şəki şəhər rayon polis şöbəsində araşdırmalar aparılır. Qəzanın dəqiq səbəbləri aparılacaq araşdırmalardan sonra bəlli olacaq.