İndoneziyada bir boks müsabiqəsində tamaşaçılar arasında dava düşüb. ANS PRESS-in xarici mətbuata istinadən verdiyi məlumata görə, qalib boksçu ilə məğlub elan olunan boksçunun tərəfdarları arasındakı qarşıdurma 18 nəfərin ölümü ilə nəticələnib.

Ölkənin cənubundakı Nabire şəhərində keçirilən boks müsabiqəsində yerli boksçu, münsifin səsverməsi nəticəsində məğlub elan olunub. Əsəbiləşən tamaşaçılar, münsif üzvlərinə stul atmağa başlayıblar. Qalib boksçunu dəstəkləyənlər də şüşə ataraq cavab verib.

1500 nəfərlik boks salonunda yaşanan qarşıdurma zamanı əzilən tamaşaçılar hadisə yerindəcə ölüblər.

Ölənlərdən 12-nin qadın olduğu bildirilib. 40-dan çox tamaşaçı isə yaralanıb.