Bu gün səhər saatlarında Şəki rayonunda minik maşını körpüdən dərəyə aşıb. ANS PRESS-in bölgə müxbirinin verdiyi məlumata görə, hadisə Xudurlu kəndi ərazisində baş verib.

Belə ki, Vəfadar Həsənov idarə etdiyi “VAZ-2107” markalı 23 BE 698 dövlət nömrə nişanlı avtomobillə sürətlə hərəkət edərkən avtomobili yoldan çıxıb. Nəticədə maşın körpüdən dərəyə yuvarlanıb.

Nəticədə maşının sürücüsü və avtomobildə olan iki nəfər sərnişin ağır yaralanıb. Yaralılar 1991-ci il təvəllüdlü Gülgəz Habil qızı Salmanova və 1989-cu il təvəllüdlü Nərmin Ağaəli qızı Həsənova aldıqları müxtəlif dərəcəli bədən xəsarətlərilə Şəki Mərkəzi rayon Xəstəxanasına aparılıblar.

Hazırda yaralıların vəziyyəti orta-ağırdı.

Faktla bağlı araşdırmalara başalnıb.