Bakı şəhərində bir nəfərin ölümü, iki nəfərin isə xəsarət alması ilə nəticələnən ağır yol-nəqliyyat hadisəsi baş verib.

ANS PRESS-in məlumatına görə, ötən gün axşam saatlarında paytaxtın Sabunçu rayonu ərazisində, Muxtarov küçəsində qeydə alınıb. Avtoqəza zamanı “Mercedes” markalı avtomobil idarəetmənin itirilməsi səbəbindən yoldan çıxaraq divara çırpılıb. Nəticədə avtomobildə olan 21 yaşlı Sərxan Bünyatov xəstəxanaya aparılarkən yolda dünyasını dəyişib.

Digər sərnişinlər -21 yaşlı Emil Qaraxanov və onun əkiz qardaşı Kamil müxtəlif dərəcəli bədən xəsarətləri alaraq 3 saylı şəhər klinik xəstəxanasına çatdırılıblar.

Faktla bağlı Sabunçu rayon Polis İdarəsinin istintaq şöbəsində təhqiqat araşdırmaları aparılır.
ANSPRESS