Türkiyənin Aydın vilayətində məktəbli qızların ətəklərinin altından mobil telefonla şəkllərini çəkməyə çalışan 52 yaşlı kişi polis tərəfindən saxlanılıb. Cinayət başında yaxalanan qoca tez-tələsik görüntüləri telefondan silməyə çalışsa da müvəffəq ola bilməyib.

Məlumata görə, ötən gün şagirdlərdən biri motosikletlə şəhərdə reyd keçirən polisə yaxınlaşaraq yaşlı kişinin məktəbli qızların ətəyinin altından şəkillərini çəkməyə çalışdığını deyib. Dərhal hadisə yerinə gedən polislər N.D. adlı şəxsi cinayət başında yaxalayıblar.

Onun telefonuna baxış keçirərkən məlum olub ki, bu, yarım əsrlik qocanın ilk əməli deyil. Belə ki, N.D.-nin telefonundan başqa qadınlara aid ətək altı görüntülər aşkarlanıb.

Polis saxladığı şübhəlini daha sonra məhkəməyə göndərib.