Masallıda mikroavtobusla elektrovoz toqquşub. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, rayonun Balatəklə kəndinin ərazisində qorunmayan keçiddə rayon sakini Vüqar Əliyevin idarə etdiyi "Mercedes" markalı mikroavtobusu elektrovoza vurub.

Xəsarət alan V.Əliyevə və sərnişinləri, həmyerliləri Gülmirə Ağayevaya, Rəna Əsgərovaya xəstəxanada ilkin tibbi yardım göstərilib.

Faktla bağlı araşdırma aparılır.