Lənkəran Rayon Prokurorluğundan APA-nın cənub bürosuna verilən məlumata görə, noyabrın 21-də axşam saat 21:00 radələrində rayonun Rvo kənd sakini, 38 yaşlı Mehman Ramiz oğlu Qafarov ailə münaqişəsi zəminində qardaşı, 33 yaşlı Elşən Ramiz oğlu Qafarovu bıçaqlayıb. Aldığı çoxsaylı bıçaq zərbələrindən Elşən Qafarov hadisə yerindəcə dünyasını dəyişib. Qətli törədən M. Qafarov saxlanılıb.

Faktla bağlı Lənkəran Rayon Prokurorluğunda Cinayət Məcəlləsinin 120.1-ci (qəsdən adamöldürmə) maddəsi ilə cinayət işi başlanıb, araşdırma aparılır. ANSPRESS