Gecə Bakının Sabunçu rayonunda, Zabrat-Maştağa yolunun Zabrat dairəsi yaxınlığındakı hissəsində yol nəqliyyat qəzası meydana gəlib. Maştağa qəsəbəsindən şəhərin mərkəzinə doğru hərəkət edən “VAZ 2115” markalı minik maşını qəfildən sürücünün idarəetməsindən çıxaraq aşıb. Bu vaxt çevrilmiş avtomaşın yolun kənarındakı köhnə köşkə də çırpılıb. Hadisə zamanı yüngül xəsarətlər alan sürücü qəzaya uğramış avtomaşından çıxa bilib. Onun idarə etdiyi avtomaşın isə tamamilə yararsız hala düşüb. Ehtimal olunur ki, qəza baş verməzdən əvvəl sürücü avtomaşını yüksək sürətlə idarə edib və bu vaxt dumanlı, rütubətli hava şəraitini nəzərə almayıb.