Bu gecə Bakı şəhəri, Xətai rayonunda “Mercedes” markalı minik avtomobili və yük avtomobili toqquşub. ANS PRESS-in Fövqəladə Hallar Nazirliyinin mətbuat xidmətinə istinadən verdiyi məlumata görə, dərhal nazirliyin müvafiq xilasetmə qüvvələri hadisə yerinə cəlb olunub.

Qəza nəticəsində minik avtomobilinin sürücüsü hadisə yerində ölüb. Deformasiyaya uğramış avtomobildə sıxılmış vəziyyətdə qalan 1 nəfər sərnişini xəsarət alıb. Həmin şəxs xilasedicilərin köməkliyilə çıxarılıb və xəstəxanaya aparılıb.

Xilasedicilər sürücünün cəsədini müvafiq qaydada nəqliyyat vasitəsindən çıxarıb. Meyid aidiyyəti üzrə təhvil verilib. Ərazidə müvafiq təhlükəsizlik tədbirləri görülüb. Əməliyyat saat 01:43-də başa çatıb.