Ötən gecə Siyəzəndə ailə münaqişəsi zəmnində qan tökülüb. ANS PRESS-in bölgə müxbirinin verdiyi məlumata görə, Siyəzən şəhəri, Tofiq İsmayılov küçəsi 52 ünvanında yaşayan 48 yaşlı Çingiz Nuriyev oğlunu və baldızını bıçaqlayıb. Nəticədə 18 yaşlı Dəyanət Nuriyev və 45 yaşlı Xavər Qoçalıyeva Regional Müalicə Diaqnostika Mərkəzinə gətiriliblər. Onların bədənində çoxlu sayda kəsilmiş-deşilmiş yaralar olub.

Hadisəni törədən Çingiz Nuriyev qaçsa da, polis onu yaxalayıb.

Hələlik onun nə üçün yaxınlarını qanına qəltan etdiyi məlum deyil. Faktla bağlı araşdırma aparılır.