Bu gün saat 20:00 rədələrində Quba rayondunda Daxili Qoşunların zabiti qəzaya düşüb. ANS PRESS-in şimal bürosunun məlumatına görə, hadisə Qubanın Vladimorvka kəndi ərazisində, Bakı - Quba - Rusiya sərhədi yolunun 173-cü km-də baş verib.

Zabit Məhəmməd Etibar oğlu Şəmiyev “Mersedes” markalı avtomobillə Qubadan Rusiya sərhədi istiqamətində hərəkət edirmiş. İdarəetmədən çıxan maşın yolun sağındakı ağaca dəyib.

Hadisə nəticəsində sürücü ağır xəsarət alıb. Zabitin vəziyyəti ağır olaraq qiymətləndirilir. Hadisə yerində Baş Dövlət Yol Polisi İdarəsinin istintaq və təhqiqat şöbəsinin əməkdaşları təhqiqat aparır. İlkin versiiya kimi qəzanın avtomobilin yüksək sürətlə idarə olunması səbəbindən baş verdiyi bildirilir.