İsmayıllıda bir gecədə 6 mağaza və aptekdən 2500 manat pul və xeyli ərzaq malları oğurlanıb. EL TV-nin verdiyi məlumata görə, Rayon Polis Şöbəsindən verilən məlumata görə, İsmayıllı rayon Mərkəzi bazarının ətrafında sahibkarlıq fəaliyyəti ilə məşğul olan şəxslər polis şöbəsinə ərizə ilə müraciət edərək bildiriblər ki, naməlum şəxslər bir gecədə onlara məxsus mağaza və aptekdən 2500 manat pul və ərzaq mallarını oğurlayıblar.

Polis şöbəsinin əməliyyat qrupu hadisə yerinə baxış keçirib və məlum olub ki, sahibkarlar Elşad Qurbanov, Pənah Cəfərov, Ramil Xaliqov, Nəriman Şahbazov, Mustafa Hacılı və Ramil Qurbanova məxsus aptek və mağazaların qapıları xüsusi üsulla hazırlanan alətlə açılaraq obyektlər qarət olunub. Oğrular yalnız ərazidəki nəzarət kamerası olmayan obyektlərə daxil olublar.

Faktla bağlı İsmayıllı Rayon Polis Şöbəsi tərəfindən araşdırma aparılır.