Biləsuvar rayonunda xəsarətlə nəticələnən yol-nəqliyyat hadisəsi baş verib. Biləsuvar rayon Polis Şöbəsindən ANS PRESS-ə verilən məlumata görə, dekabrın 11-də saat 21.10 radələrində 18 yaşlı Bəhruz Abbasovun idarə etdiyi 90 DA 749 dövlət nömrə nişanlı, “Mercedes-190” markalı avtomobil idarəetməni itirərək yoldan çıxıb və ağaca çırpılıb. Nəticədə avtomobildə olan sürücünün anası Hicran Abbasova xəsarət alıb. Yaralı xəsarətlə xəstəxanaya çatdırılıb.
Qəzanın baş verməsinə ilkin səbəb olaraq yüksək sürət göstərilir. Hazırda faktla bağlı araşdırma aparılır. ANSPRESS