Bərdə rayonunda fərdi yaşayış evində partlayış baş verib. Hadisə bu gün saat 10.00 radələrində Qasımbəy Zakir küçəsi, ev 17-də qeydə alınıb. Partlayış evin köməkçi hissəsində meydana gəlib. Həmin evdə kirayə yaşayan 29 yaşlı Kəmalə Məmmədova səhər saatlarında qaz plitəsini yandırarkən partlayış baş verib. Nəticədə evdə olan 24 yaşlı Əli Atakişiyev, K. Məmmədova və onun qızları 12 yaşlı Aysel və 10 yaşlı Aysu müxtəlif dərəcəli texniki yanıq xəsrətləri ilə Bərdə rayon Mərkəzi Xəstəxanasının travmotologiya şöbəsinə yerləşdiriliblər.Yaralılar 2 və 3-cü dərəcəli yanıq xəsarətləri alıblar. Ayselin vəziyyəti ağır qiymətləndirilir.
Hadisə yerinə hüquq-mühafizə orqanlarının və Fövqəladə Hallar Nazirliyinin əməkdaşları gəliblər. Faktla bağlı araşdırma aparılır. ANSPRESS