Azərbaycanın Belarusdakı səfirliyi ötən gün səhər saatlarında Sankt-Peterburq-Odessa avtomobil yolunda avtomobilin qəzaya uğraması nəticəsində həlak olan Azərbaycan vətəndaşının adını açıqlayıb.

Səfirlikdən Trend-ə verilən məlumata görə, 1969-cu il təvəllüdlü Həsənov Həsən Fərman oğlu ağır yol qəzası zamanı həlak olub.
Hazırda səfirlik dünyasını dəyişmiş azərbaycanlıının qohumlarının tapılması istiqamətində araşdırma aparır.

Qeyd edək ki, ağır yol qəzası Belarusun Vitebsk vilayətinin Orşansk rayonunda baş verib. "Opel Omega" markalı avtomobil "Mercedes Sprinter" avtobusu ilə toqquşub. Səkkiz nəfər hadisə yerində, bir nəfər isə xəstəxanada dünyasını dəyişib.
İlkin məlumata görə, "Opel" markalı avtomobil yolun əks istiqamətinə çıxıbmış.