Bakıda marşrut avtobusu qəza törədib. APA-nın məlumatına görə, hadisə Babək prospektində qeydə alınıb. Şəhər istiqamətində 50 saylı xətt avtobusu minik maşını ilə toqquşub. Hadisə nəticəsində bir neçə nəfər xəsarət alıb. Xəsarət alanlardan biri 1988-ci il təvəllüdlü Məhərrəm Həsənov 3 saylı Şəhər Klinik Xəstəxanasına yerləşdirilib. Digərlərinə isə hadisə yerində ilkin tibbi yardım göstərdikdən sonra buraxılıblar.