Bakıda qadına zor tətbiq edərək onu qarət edən şəxsi polis tutub. ANS PRESS-in Daxili İşlər Nazirliyinin mətbuat xidmətinə istinadən verdiyi məlumata görə, mayın 9-da Rəvanə Abuzərovaya qarşı zorakılıq olub. Qadın naməlum şəxs təərfindən döyülüb və soyulub.

Qadının şikayəti əsasında Qaradağ rayon Polis İdarəsi 10-cu bölis bölməsinin əməkdaşları əməliyyata başalyıb. Aparılan axtarışlar nəticəsində hadisəni törədən Lökbatan qəsəbə sakini Bəxtiyar Mollayev tutulub.

Ətrafında aparılmış əməliyyat tədbirləri nəticəsində onun Rəşxəndə Dövlətovaya qarşı zor tətbiq edərək, ondan 1350 manat pul və sənədlərini alması da müəyyən edilib.

Faktla bağlı araşdırma aparılır.