Bakıda naməlum şəxslər evə basqın ediblər. ANS PRESS-in Bakı şəhər Baş Polis İdarəsinin mətbuat xidmətinə istinadən verdiyi məlumata görə, dekabrın 24-ü saat 03:00 radələrində üzləri bağlı olan 2 naməlum şəxs Əmircan qəsəbəsi Sabir küçəsində yaşayan Kəmalə Şıxıyevanın evinə açıq qapıdan daxil olub və ona bıçaqla hədə-qorxu gəliblər.

Daha sonra onlar K.Şıxıyevanın bacısı Sənubərin baş nahiyyəsindən küt alətlə xəsarət yetirərək pul tələb ediblər.

Keçirilən əməliyyat tədbirləri nəticəsində quldurluqda şübhəli bilinən Bakı şəhər sakinləri Ümid Sultanov və Vaqif Əsədzadə Suraxanı RPİ Post-Patrul Xidməti Bölüyünün əməkdaşları tərəfindən tutularaq 31-ci PB-yə gətiriliblər.