Ötən gecə Bakının Suraxanı rayonunda polis uğurlu əməliyyat nəticəsində 5 il beynəlxalq axtarışda olan şəxsi yaxalayıb. Suraxanı Rayon Polis İdarəsindən ANS PRESS-ə verilən məlumata görə, əməliyyat zamanı narkotik vasitələrin qanunsuz istehsalı ilə məşğul olan Hövsan qəsəbə sakini, 2008-ci ildən axtarışda olan Rusiya vətəndaşı İsgəndər Nuru oğlu Səfərov saxlanılıb.

Onun yaşadığı evdən 250 qutu marixuana, əlavə olaraq 20 kiloqram narkotik vasitə və narkotik bitkilərin becərilməsi üçün lazım olan xüsusi vasitələr aşkar edilərək götürülüb.

İsgəndər Səfərovun narkotik şəbəkədə xüsusi rol var və onun tutulması ilə narkotik vasitələrin istehsalı ilə məşğul olan digər şəxslərin də ifşa olunacağı guman edilir. Faktla bağlı cinayət işi başlanıb, istintaq gedir.