Ötən gün saat 20:00 radələrində Qaradağ rayonu Lökbatan qəsəbəsində dəhşətli qətl hadisəsi baş verib. Rayon Prokurorluğundan ANS PRESS-ə verilən məlumata görə, 1966-cı il təvəllüdlü Aydın Qəzənfər oğlu Qəhrəmanov tanışı 1964-cü il təvəllüdlü İsa Hüseyn oğlu Hüseynova çoxsaylı bıçaq zərbələri endirib.

Hadisə nəticəsində İsa Hüseynov dünyasını dəyişib. Hadisə tanışların aralarında yaranan mübahisə nəticəsində baş verib.

Faktla bağlı rayon Prokurorluğunda Cinayət Məcəlləsinin 120.1-ci maddəsilə cinayət işi başlanıb, istintaq gedir.