Bu axşam paytaxtın Səbail rayonu ərazisində yanğın hadisəsi baş verib. ANS-nin məlumatına görə, yanğIn Badamdar şosesindən Bayıl qəsəbəsinə gedən yolun üstündəki dağlıq ərazidə 4 hektara yaxın ərazini əhatə edib. Havanın küləkli olması səbəbindən alovun miqyası qısa vaxt ərzində genişlənib və yanğının şəxsi yaşayış evlərinə yayılması ehtimalı yaranıb.

Hadisə yerinə Fövqəladə Hallar Nazirliyinin yanğınsöndürmə briqadaları cəlb olunub və qısa vaxt ərzində yanğın nəzarətə götürülüb.

Dövlət yanğından Mühafizə Xidmətinin əməliyyat növbətçisi Tahir Quliyev ANS-ə bildirib ki, onlara yanğın barədə saat 21:10-da məlumat daxil olub: “Yanğın 4 hektar ərazini əhatə edib. Quru ot yanıb. Məsafə uzaq olduğuna və dağ massivi olduğuna görə yanğın əl üsulu ilə söndürülüb. İlkin ehtimallara görə, yanğın kənardan atılan od mənbəyindən yarana bilər”. ANSPRESS