Siyəzən-Qalaaltı yolunda yol-nəqliyyat hadisəsi baş verib. İçərisində Siyəzən Rayon Polis Şöbəsinin əməkdaşları olan “Vaz 2107” markalı nəqliyyat vasitəsi əks istiqamətdə hərəkət edən “Niva” markalı avtomobillə toqquşub.

APA-nın məlumatına görə, qəza nəticəsində 3 nəfər müxtəlif dərəcəli bədən xəsarəti alıb. Onlar Siyəzən Regional Müalicə Diaqnostika mərkəzinə yerləşdiriliblər. Xəsarət alanlar 33 yaşlı Siyəzən rayon sakinləri Qorxmaz Sultanov, 49 yaşlı Məhərrəm Mirzəyev və 26 yaşlı Quba rayon sakini Əmir Sədullayevdir. Q.Sultanov Siyəzən Rayon Polis Şöbəsinin cinayət axtarış bölməsinin əməliyyat müvəkkili, M.Mirzəyev isə polis nəfəridir.

Faktla bağlı araşdırma aparılır.