Bu gün səhər saatlarında Mingəçevir şəhərində, Heydər Əliyev prospektində ağır yol qəzası baş verib. ANS PRESS-in bölgə müxbirinin verdiyi məlumata görə, "Kia" markalı avtomobillə “Hyundai-Elantra” markalı maşın toqquşub.

Zərbənin təsirindən avtomobillər yolun müxtəlif istiqamətlərinə çıxıb. "Kia" markalı avtomobil ağaca dəyərək dayanıb. “Hyundai-Elantra” markalı avtomobil isə divara çırpıldıqdan sonra bir neçə dəfə aşıb. Nəticədə hər iki avtomobil möhkəm əzilib.

Xoşbəxtlikdən qəza nəticəsində həyatını itirən olmasa da, sürücülər müxtəlif bədən xəsarətləri alıb.