Azərbaycan Ordusunun əsgəri özünü güllələyib. Hadisə Müdafiə Nazirliyinin “N” saylı hərbi hissəsində qeydə alınıb. Ordumuzun əsgəri Zeynalov Zeynal Qalib oğlu tabeliyində olan avtomat silahdan açılan atəş nəticəsində dünyasını dəyişib.

Müdafiə Nazirliyinin mətbuat xidmətinin rəis müavini Teymur Abdullayev ANS PRESS-ə əsgərin ölüm faktını təsdiqləyib. O, qeyd edib ki, fakt üzrə Respublika Hərbi Prokurorluğunda cinayət işi başlanıb, ölümün səbəbləri araşdırılır.