Ucarda 5 gün bundan əvvəl körpə ilə birlikdə itkin düşən 20 yaşlı Əsgərova Dürrə Neman qızı bu gün tapılıb. APA–nın məlumatına görə, Ə. Dürrə bu gün özü körpəsi ilə birlikdə ata evinə qayıdıb.

Evdən qaçmasının səbəbini isə o həyat yoldaşının onu döyməsi ilə izah edib. Məlumata görə, o telefonla tanış olduğu Xızı rayonundan olan və hal–hazırda Sumqayıt şəhərində yaşayan 1985-ci il təvəllüdlü Seyidov Mirkərim Aqabala oğlu ilə birlikdə qaçıbmış.

Qeyd olunan şəxs Ucar rayon polis şöbəsinin əməkdaşları tərəfindən tutularaq, şöbəyə gətirilib. Araşdırma aparılır.