Dünya azərbaycanlıların həmrəylik günü və yeni il baramı ərəfəsində əvf fərmanının imzalanacağı gözlənilir. Bu məqsədlə də prezident yanında əfv məsələləri komissiyasının iclaslarına start verilib. Artıq iki gündür ki, komissiyanın üzvləri əfvlə bağlı daxil olan müraciətlər müzakirə edirlər. Komissiyanın üzvü, millət vəkili Elmira Axundova bildirib ki, hələlik siyahı tam dəqiqləşməyib, komissiyanın hələ bir neçə iclası gözlənilir. Bu ayın sonu siyahı tam dəqiqləşdikdən sonra dövlət başçısına təqdim olunacaq.